Carmine Laurendi, autore dei libri “Ti penzu notti e jornu Bagnara” e “Ogni cosa cu’ so’ tempu” riflette sulla cultura della pesca a Bagnara con un componimento
A tal proposito l’autore ha ideato un componimento poetico per raccontare questa realtà reggina:
I piscaturi i Bagnara
I piscaturi i Bagnara
no’ furu mmai cunsiderati,
lavuraru notti e jornu
e no’ furu mmai privilegiati,
a vita r’u mari,
‘esti na vita ri cani,
si cumbatti tutti i jorna
mi si porta a casa n’pezzu i pani;
na vota ‘nveci….
’mbuscavunu i dinari,
ma cu tanti sacrifici
e c’u so’ sapiri parrari,
pe’ piscaturi…
no’ nc’erunu festi,
no’ nc’era casa,
e mancu u passiari,
nc’erunu sulu sacrifici
a menzu ô mari.
A mari no’ s’avi mmai paci
e mancu trhanquillità
si riposunu ndi na tavula i lignu
aundi s’i mangia l’umidità.
Purtroppu a genti ’nviriusa
chi sta vita na vozi provari,
nci cuntava n’prima i ricchizzi
e apoi si mentiva a criticari,
ndo passatu cchiù d’unu
i vozi veramenti mali,
e così ficiru a piscispatara
na pisca illegali,
si nd’approfittaru i l’ignoranza
e ra massima ’ngenuità,
e distrhuggiru na pisca,
chi portava beneficiu nda città.
Carmine Laurendi